HealthScience

المنتدى الطبي ,,,, معكم ننجزوبتواصلكم يستمر العطاء
 
الرئيسيةالبوابةس .و .جبحـثالتسجيلالأعضاءالمجموعاتدخول

شاطر | 
 

 كيفيه الحصول على قبول الجامعات خطوة بخطوة بالصور

اذهب الى الأسفل 
كاتب الموضوعرسالة
د.محمد العطاس
الأدارة
الأدارة
avatar

عدد الرسائل : 43
تاريخ التسجيل : 13/07/2007

مُساهمةموضوع: كيفيه الحصول على قبول الجامعات خطوة بخطوة بالصور   الجمعة مايو 02, 2008 6:52 am

السلام عليكم ورحمة الله وبركاته
طـبــعـــا ما يخفى عليكم ان نسبه كبيرة من الطلاب لايعرفو كيـفـيـة التــقــديم على الجــامعــات الامريكية او اي جامعه
الـيــوم انــــــا جايبلكم شرح مصور مني شخصيا يخولكم الحصول على قبول من دون اللجوء لمكاتب تظطر تدفع لها 5000 ريال لشيء ما يستغرق منك الا الوقت القليل
فترة الحصول على القبول تستغرق من اسبوع الى اسبوعين هذا بالنسبه لمعضم الجـامـعــات لاكن ما يخفى عليكم انو بعض الجامعات القويه تاخذ وقت اكثر في استخراج القبول بس عاده بيكون هذا فقط لطلاب الدراسات العليا
طيب خلوني ابدء بالقبول بس لاحــظو شــبـــــاب انا حــفرض على سبيل المـثــال القبول اللي ابغاه من جامعه امريكيه ولتكن جامعة دايتون بأوهــايو
بس قبل ما اروح لموقع الجــامعه لازم نــتـــــأكــد من حــــــــاجه مررة مهمه اللي هي
لازم تكون هذي الجامعه معتـرف بها من قبل وزارة التعليم العالي بالمملكه العربيه السعوديه
كيف نتأكد شغله ماتأخذ اكثر من دقيقه
على طول روح لوزارة التعليم العالي لو ما تعرف الموقع روح للقوقل واكتب وزارة التعليم العالي
هذا موقع الوزارة

في الصفحه الرئيسيه تلاقي تحت مكتووب مواقع مهمه
دور على
الجـــامــعـــــات المــوصى بهـــا
اضغط عليها راح يقوللك اختر الدوله اختار امريكا
ثم راح يسالك هل تريد البحث بالتخصص ام باسم الجامعه
انت اختار البحث باسم الجامعه واكتب في المربع
University of dayton
اذا الجهاز ما جبلك شيء اعرف انو الجامعه مي موجوده اما بسبب انها غير معترف بها او ممكن تكون انت وانت بتكتب اسم الجامعه غلطت بـحــرف
على العموم طبعا بعد ما ادخلت اسم الجامعه لقيتها موجوده لا وكمان ازيدك من الشعر بيت راح يجيك كل التخصصات المعترف بها ( يعني ياشباب في تخصصات معترف بها وفي تخصصات لايعترف بها لاسباب تكون معلومه من قبل المخولين لهذي الامور بالوزارة نفسها بس عاده معظم التخصصات معترف بها )
كذه نبدء الخـطوه التانيه اللي هي عمليه التسجيل بالجامعه
اول شيء نروح للقوقل

ونكتب اسم الجامعه
university of dayton

او باللغه الانقليزيه وهو افضل

بعد ما ادخل الموقع الرئيسي للجامعه

اختار
Admission يعني القبول

بعد كده حيجيك انواع القبول يعني قبول لطلاب البكالوريوس او للماجستير او الطلاب الدوليين وغيره


احنا كـــطلاب دوليين لازم ندور على
International admission
وهــذا نحصلو على حسب نوع القبول يعني لطلاب البكالوريوس يدخلو على
Undergraduate
اما بالنسبه لطلاب الدراسات العليا اللي مثلي يدخل على
graduate
طيب عــشــان معـظــم الطلاب هم طلاب يبحثو عن قبول بكالوريوس خــلوني ابدء معاهم يالله
نضغط عـلى
Undergraduate

بعدها نــظــغـــط على اللي موجوده في الاعلى على اليسار
apply online
يعين قدم عن طريق النت

لاحـظ هنا حـصــلنـــا القبول للطلاب الدوليين
International
اضغط عليه
تجيك الصفحه العامه يعني هـ الصفحه فيها كل شيء من ناحيه القبول والمطلوب وقد ايش تاخذ وقت
ع العموم انت المطلوب منك انك تفتح حساب في موقع الجامعه طبعا هـذا الحساب مجاني وهذا الحساب الفائده منو انو يدخل اسمك في النظام عندهم عشان يكون سهل الوصول اليك عن طريق النت يعني سهل يرسلو لك رساله عن طريق الايميل

طيب يالله نفتح حساب وانا حدخل باسم غير صحيح يالله نبدء
اول شيء نظغط على
apply online

تجيني هــ الصفحه
اختار فتح حساب اللي هو
creat account

بعدين عبي البيانات ولازم بياناتك تكون صحيحه


بعد كده حيجيك الــ
structure
يعني التركيب

لو تلاحــظــو انو عبارة عن 6 صفحات لازم تعبوها لو تلاحظو مكتوب فوق
page1 page 2 page 3.....etc
يعني مطلوب منكم تعبو بياناتكم



طيب بعد ما تعبي الصفحات كلها السته
لازم تضغط عــلى
submit
تلاقيها مكتوبه تحت page6
يعني زي كدا
page6
submit
انت بعد ما تعبي فقط اضغط على submit
طيب هــنــــا خليني بس اشرح لكم ايش يعني هـ الكلمه
submit
يعني انت دخلت اسمك بالنظام عندهم كده هم راح يعرفو انو في طالب جديد قدم ع الجامعه
يعني كمان لو عدلت او غيرت اي شيء هم يشوفوه عندهم بالنظام
لاحــظــو أنـــــا بعد ما ضغطت ايش صار جاني هـ الصورة

الكلام اللي مكتوب في الصورة فوق معناتو انو في نـــواقص عندي والنواقص هي اللي محدده بنقاط
طبعا النواقص لاني ما كتبت اي شيء بس انتو بدوركم لازم تعبو كل شيء
وبعد ما تعبو كل شيء وتسوي submit
لازم تـــقوم بــالتـــالي
ارسال رساله عن طريق الايميل للشخص المعني عن القبول بالجامعه واخباره بالتالي
اخبره فقط انك قدمت ع الجامعه ومنتظر القبول
طبعا هذا الكلام اللي انا اقولو لكم انا مو جايبو من راسي هذا الكلام مكتوب بالصفحه التركيبيه
instruct

طيب ايش ترسللهم بالبريد
اول شيء اية بريد افضل كل البريد الموجود بالسعوديه طيب وانا شخصيا ما احب ارسل عن طريق فيديكس او دي اتش الDHL or FEEDEX
لانهــــــــــــــــــــا غــــــــــــــاليه
انا كنت ارسل عن طريق البريد السعودي
بــ 11 ريال سعودي فقط وتوصل بعد اسبوع بالتمام
اما DHL
سريع بس بــ 300 ريال سعودي ويوصل خلال 3 ايام
طيب ايش ترسللهم بالبريد
1- صور مصدقه من الشهادات باللغه الانقليزيه
ولاحــظ لاترسل الاصليه
وكشف الدرجات لطلاب الدراسات العليا Tran************************s
2- الضمان المــالي الاصلي
3-ثلاث توصيات لطلاب الماجستيرو الدوكتوراه
4- الغـايه من الدراسه Statement of Purpose
5- درجات التوفل ان وجد
6- شيك مصدق من اي بنك وليكن حوالات الراجحي بـقيمة التسجيل والقيمه تختلف من جامعه الى جامعه بس معظمهم ما يعدي حدود 75 دولار امريكي
وترسلهــا على العــنــوان التـــالي لطلاب البكالوريوس
Supporting ********************************s should be sent to:
Office of Admission
University of Dayton
300 College Park
Dayton, OH 45469-1300
USA
اكتب نفس العنوان اللي موجود فوق على الضرف
طيب السؤال هنا ايش اكتب له بالانقليزي وكيف احصل ايميل الشخص المعني تعالو اشرحلكم
في نفس الموقع اللي فيه
international admission

انزلو تحت تلاقي الايميل

طيب انا حكتبلكم مضمون الرساله
Hello
My name is XXXXX I'm from saudi arabia. I have already applied to UD ( University of Dayton ) and I want to ask you about my status. I sent all the ********************************s via mail box.
Thank you
اكتب اسمك بالكامل باللغه الانقليزيه بدل (XXXXX )
وبس
طبعا الجامعه راح يتواصلو معك بالايميل وراح يرجعو يرسلو لك رساله يطلبو منك عنوانك بالمملكه العربيه السعوديه لاتنس بعد كتابة عنوانك تحــط رقم تلفونك لانو الشركه ( هنا اقصد شركة النقل مثل فيديكس ودي اتش ال ) اللي يوصلها قبولك ما يعرفو بيتك بالسعوديه فيضطرو يتصلو على رقم التليفون او الجوال
طبعا بعد ما يوصلك القبول راح تلاقي الاتي
1- القبول مكتوب باللغه الانقليزيه وهو عبارة عن صفحه واحده فقط
2- I-20
وهو عبارة عن ثلاث صفحات هذا هو اللي تحتاجه في معاملاتك مع السفارة الامريكيه وعند الدخول والخروج من الولايات المتحده الامريكيه
[size="4"][color=red]مــلاحــظــات
1- عمليه القبول هذي هي مـثــال اي ليست عمليه حقيقيه انما هي مثال على كيفيه التقديم للجامعات الامريكيه وهي عمليه بسيطه جدا تحتاج فقط قراءة ماهو مطلوب من قبل الجامعه
2- بعض الجامعات ما يحتاج ترسل لهم شيك مصدق بل يمكنك الدفع عن طريق بطاقة الائتمان Credit Card or Visa card
وطبعا هذا اسهل من انك ترسلهم عن طريق شيك مصدق
3- هذي الطريقه لاتفرق كثير عن طريق التـــقديم لاي جــامــعه بالعالم سواء كــان بــكــنــدا او استراليا او حتى اندنوسيا والصين ( انا قد قدمت على جامعه كـارلتون بكندا بنفس الطريقه وكانت 100% صحيحه)



منقول لفائده الجميع ولا تنسونا من دعواتكم ولصاحب الموضوع

_________________
داويته فشفاه الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://neno.mam9.com
 
كيفيه الحصول على قبول الجامعات خطوة بخطوة بالصور
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
HealthScience :: قسم الطلاب والطالبات :: منتدى طلاب وطالبات الطب البشري-
انتقل الى: